Papiamentu
Konstrukshon di un edifisio nobo pa Skol Básiko De Pelikaan ta kla pa kuminsá, despues ku plannan di konstrukshon i finansiamentu a keda definitivamente aprobá. E proyekto lo wòrdu realisá riba tereno di e anterior Kolegio Papa Cornes, den estrecho kolaborashon ku Fundashon Propiedat Inmóbil Boneiru.
Despues di un periodo intensivo di preparashon i koordinashon entre diferente instansia, tur kondishon nesesario awor ta na lugá. Ku esaki, e proyekto ta pasa ofisialmente di fase di planifikashon pa fase di ehekushon. Riba término kòrtiku lo kuminsá ku preparashon di e sitio di konstrukshon pa e promé trabounan por kuminsá tuma lugá.
Segun diputado Silberie, e progreso akí ta un paso importante den e esfuersonan pa mehorá infrastruktura di enseñansa riba Boneiru. E tereno skohé ta ofresé un lokalidat sentral ku sufisiente espasio pa atendé e kresementu di e kantidat di alumno.
E edifisio nobo lo kontribuí direktamente na solushoná e falta di kapasidat di skol i lo ofresé un ambiente di enseñansa moderno ku ta kumpli ku normanan aktual di sostenibilidat i kalidat.
Kargando komentarionan...