Papiamentu
Entidat Públiko Boneiru a anunsiá ku entrante 20 di mart 2026 lo tin un adaptashon den preisnan di benta pa kombustibel. E adaptashon aki ta basa riba preisnan di kompra di mas resien.
Segun informashon ofisial, preis di algun produkto ta subi, mientras ku otro ta keda meskos.
Preis di mogas 95 (gasolin) lo subi di $1,30 pa $1,33 pa liter, loke ta representá un subida di 3 sèn (2.31%). Tambe preis di diesel (gasolio) lo subi di 94 sèn pa 99 sèn pa liter, un subida di 5 sèn (5.32%).
Preis di kerosine lo keda sin kambio na 81 sèn pa liter. Mes kos ta konta pa preis di gas: un silender grandi di 100 lbs ta keda na $52, mientras ku e silender chikitu di 20 lbs ta keda na $11.
Gobièrnu ta indiká ku e kambio aki ta resultado direktamente di fluktuashon den preisnan internashonal di kompra di kombustibel.
Preisnan lo drenta na vigor for di djaluna, 20 di mart 2026.
Kargando komentarionan...