Djasabra 28 di mart 2026, Boneiru a kontribui na e movementu mundial di Earth Hour, un inisiativa ku ta pone enfoke riba protekshon di nos planeta i uso responsabel di energia.

Durante e akshon simbóliko akí, entre 20.30 i 21.30, iluminashon públiko riba i rònt di Plaza Wilhelmina a wòrdu temporalmente paga. E kupel karakterístiko di e plaza, i  sierto partinan di Kaya Grandi i tambe Kaya N.E. Craanetambe a ser inklui. Na final di e ora, tur iluminashon a wòrdu sende bek.

Ku e inisiativa akí, Boneiru ta uni ku miónes di hende, organisashon i edifisionan rònt mundu ku pa un ora ta paga lus komo un señal di konsientisashon riba e nesesidat urgente pa protehá medio ambiente. Durante di aña nan, Earth Hour a bira un símbolo poderoso di akshon kolektivo pa un mundu mas sostenibilidat.

Pero Earth Hour ta mas ku solamente paga lus. E momento akí ta invitá komunidat pa reflekshoná riba e ròl ku kada persona por hunga den kreashon di un futuro mas sostenibel. Paso chikitu manera paga lus ora no ta nesesario, usa energia i awa di forma mas konsiente, i hasi eskoho mas sostenibel den bida diario, tur ta kontribuí na un impakto positivo.

Tourism Corporation Bonaire (TCB) tambe a mustra su sosten pa e akshon i a paga lusnan di nan propio edifisio.

Ku e mensahe “Nos isla, nos responsabilidat,” Boneiru ta manda un señal kla i positivo ku akshon konhunto, asta e paso mas chikitu por hasi un diferensia grandi pa nos planeta.