Den promé simannan di Merka a gastá entre $12–18 bion, ku e promé dianan a yega te kasi $2 bion pa dia pa motibu di e kantidat di atakenan ku misíl.

Un gran parti di e gastunan ta bai na armamentu avansá. Kada misíl Tomahawk ta kosta mas o ménos $3.5 mion, mientras sistema di defensa manera Patriot i THAAD por kosta entre $4 mion i $12 mion pa kada tiru. Di otro banda, dronenan di Iran ta kosta alrededor di $50,000, loke ta hasi defensa di Merka sumamente karu pa intersepta kada drone ku Iran lansa. Dus por ehempel; kada 1 mion ku Iran lansa na drone, merka mester gasta entre 80 pa 240 mion pa intersepta e dronenan di Iran esei ta ekskluyendo ku tin be Merka mester utilisa su misil di defensa 2 pa 3 be pa logra detene e drone di Iran.

Operashonnan militar tambe ta kosta hopi pa mantene. Buelonan di avion di guera por kosta miles di dolar pa ora, i mantenementu di barkunan grandi i tropa den region ta agrega mas bion na gastunan total.

Na banda di Iran ta ser estima ku nan ta gasta alrededor di $50 pa$200 mion pa dia. Esaki ta prinsipalmente defendiendo su mes kontra atakenan di Merka i alabes atakando pais bisiña Israel i tambe tur e otro pais nan den su region ku tin base militar di Merka.

Nos por kon klui ku tantu Iran komo Merka ta sufri pèrdida di diferente ekipo. Militar di Merka a reportá daño na basenan i por lo ménos un avion moderno, mientras Iran a pèrdè bastante sitio militar, barkunan naval i instalashonnan di misíl pa motibu di atakenan aéreo.

Fuera di Kampo di bataya, e guera ta empuhá preis di petroleo pasa $100 pa bari, loke ta trese preokupashon riba inflashon i ekonomia mundial. Prijsnan di tur kos mundialmente lo oumentá.

Momentaniamente no tin indikashon ku e konflikto aki lo termina pronto. Ekspertonan ta bisa ku e gastonan total por yega na varios bion dolar, ya ku kada dia di guera ta agrega mas mion na e suma total.

Advertisement