Kuerpo Polisial Hulanda Karibense (KPCN) a tene kòntròl riba vehíkulo i shofùr ku tabata partisipá den e Marcha Hubenil na Playa, awe 8 di febrüari, ku a start awe pa 3.18 or di atardi i a finalisá alrededor di 6.16 or di atardi.

Durante e kòntròlnan, polis a konstátá ku un shofùr no tabata disponé di un reibeweis bálido. Pa esei, e grupo a mester buska un otro shofùr pa por sigui partisipá. Tambe a topa ku un vehíkulo ku no tabatin su papel di seguro na òrdu, pa kua e vehíkulo aki a keda saká for di e marcha. Tur shofùr a someté na un tèst di supla, ku a resultá positivamente pa tur partisipante.

Alrededor di 4.00 or di atardi, polis a duna un but na shofùr di un vehíkulo ku tabata stashoná tras di barikada na altura di rotònde Sabana.

Ademas, a tene un di dos kòntròl riba uso di alkohòl serka e shofùrnan den e marcha. Durante un di e kòntròlnan, a topa ku un shofùr ku a supla bou di e límite permití. E shofùr aki a keda atvertí pa no sigui konsumí alkohòl òf pa kambia di shofùr pa por sigui partisipá den e marcha.

Polis a sigui supervisá i kontrolá e Marcha Hubenil na Playa durante henter e evento. No a registrá ningun otro partikularidat kaminda intervenshon di polis tabata nesesario.

Advertisement