Papiamentu
Den oranan trempan di mainta di djaweps 26 di febrüari, polis, den koperashon ku Duana, a rea¬lisa un kòntròl di tráfiko integral na Kaya L.S. (Goi) Coffi, na altura di ofisina di Duana. Meta di e akshon tabata pa oumentá seguridat riba karetera i pa detektá transporte di artíkulonan i supstansianan ilegal.
Durante e kòntròl a kontrolá un total di 40 vehíkulo. Ku asistensia di kachónan di Duana, a revisá algun di e vehíkulonan. Den e proseso a konfiská dos arma (un machete i un kuchú), un kantidat chikí di supstansia ku por ta narkótiko, i un mashin chikitu digital pa pisa.
A duna but pa e siguiente infrakshonnan:
• 5 biaha pa maneha sin reibeweis bálido òf pa no por mustra esaki;
• 5 biaha pa maneha sin plachi di number dilanti;
• 4 biaha pa maneha sin seguro bálido òf pa no por mustra esaki;
• 2 biaha pa no usa faha di seguridat.
E tipo di kòntròlnan aki lo sigui tuma lugá ku regularidat den futuro, ku meta di garantisá seguridat riba karetera públiko i protehá komunidat. Ku e enfoke integral aki, polis lo sigui keda visibel riba kaya den koperashon ku partnernan manera Duana.
Lokal
Kontrol di tráfiko integral planiá na koperashon ku Duana
Komentarionan (0)
Laga un Komentario
Bo Imeil lo NO ser publiká. Hòkinan obligatorio ta marká ku *
Kargando komentarionan...