Papiamentu
Indebon a kuminsá ku diferente trabou di mantenshon na varios lokalidat deportivo na Boneiru, inkluyendo Stadion di Rincon i e parke pa mucha na mesun bario.
E trabounan tin komo meta pa mehorá seguridat, aksesibilidat i e estado general di espasionan públiko, pa asina tur miembro di komunidat por hasi uso di nan den un manera sigur i agradabel.
Na bario di Tera Kòrá, spesialmente rondó di sentro di bario, tambe a start ku diferente trabou di mantenshon. Segun Jeanne Keller, koordinadó di fasilidatnan deportivo, e proyektonan ta enfoká riba mehorashon di infrastruktura, limpiesa i adaptashon pa oumentá seguridat.
E inisiativanan aki ta forma parti di un plan mas amplio pa mantené i renobá espasionan públiko rònt di isla. Indebon ta sigui traha na otro lokalidat den e próksimo temporada pa sigurá ku fasilidatnan públiko ta keda den bon estado pa uso di tur hende.
Kargando komentarionan...