Papiamentu
Artista di Boneiru, Luis Moka, a logra un lugá den top 30 partisipantenan ku a klasifiká pa gran final di e kompetensia di Kantadó Mayó na Kòrsou, djasabra 21 di mart. Su komposishon, titulá “Nos Mes Por”, ta un obra ku pone enfasis riba identidat i forsa di nos mes pueblo.
E piesa musikal a wordu komponé pa Luis Moka huntu ku Liyorgen Dometilia, ku tambe a kontribuí na melodia. Arreglo musikal ta den man di Jovendrick Kirindongo, mientras ku agrupashon Bená Mayó ta responsabel pa e interpretashon.
Den un mensahe emoshonal riba Facebook, Luis Moka a ekspresá su gratitut i orguyo pa e oportunidat aki. El a bisa ku tur sakrifisio i anochinan largu den studio a duna fruta, i ku e ta sinti e frekuensia di arte kultural ku ta biba profundamente den kultura di Kòrsou.
Segun e artista, biniendo for di Boneiru pa partisipá den e kompetensia tabata un reto grandi, pero e amor i apresio ku el a risibí na Kòrsou a hasi su eksperensia mas dushi i signifikativo.
Kargando komentarionan...