Papiamentu
Último simannan Kuerpo Polisial di Hulanda Karibense (KPCN) a bin ta paga èkstra atenshon na plachi di number durante kontrol di tráfiko. Varios vehíkulo a wòrdu para i shofùrnan a risibí but.
Resultado di kòntròl
• 11 shofùr a haña but pa manehá sin niun plachi di number òf ku plachinan inbálido.
• 64 shofùr a haña but pa manehá sin un plachi di number dilanti òf patras.
• 25 shofùr a risibí un atvertensia pa plachi no bon visibel òf ku no ta kumpli ku regla.
Konforme e Ordenansa di Tráfiko riba Kaminda di Boneiru 2019, tur vehíkulo di motor (ku eksepshon di bròmfits i motosaikel) mester tin dos plachi di number bálido i bon visibel: un dilanti i un patras. Kore outo sin òf ku solamente un plachi di number ta un violashon.
Polis ta enfatisá ku ta permití solamente plachinan original emití dor di Entidat Públiko Boneiru. Uso di plachi falsu òf mal visibel por resultá den but òf konfiskashon. Ta konsehá doñonan pa kontrolá nan vehíkulo mesora pa evitá gastunan innesesario.
Kargando komentarionan...